கிழக்கு அசாமின் ஜோர்ஹாட் மாவட்டத்தில் உள்ள நிமதி காட் என்ற இடத்தில் செப்டம்பர் 8 மதியம் பிரம்மபுத்திரா ஆற்றில் இரண்டு படகுகள் ஒன்றுடன் ஒன்று மோதிக்கொண்ட சம்பவம் நடந்தது. ஒரு படகு மஜூலியில் இருந்து நிமதி காட் வரை சென்று கொண்டிருந்தது, மற்றொன்று எதிர் திசையில் சென்று கொண்டிருந்தது.
இரண்டு படகுகளிலும் சுமார் 50 பேர் இருந்தனர், அவர்களில் 40 பேர் மீட்கப்பட்டுள்ளனர். மீதமுள்ளவர்களை தேடும் பணி தொடர்ந்து நடைபெற்று வருகிறது. இந்த விபத்தை முதல்வர் ஹிமந்த பிஸ்வா சர்மா உறுதிப்படுத்தியுள்ளார்.
படகு விபத்து குறித்து வருத்தம் தெரிவித்த முதல்வர் ஹிமந்தா பிஸ்வா சர்மா, மாநில பேரிடர் நிவாரண நிதி (SDRF) மற்றும் தேசிய பேரிடர் மீட்பு நிதி (NDRF) உதவியுடன் மீட்பு பணிகளை மேற்கொள்ளுமாறு மஜூலி மற்றும் ஜோர்ஹாட் மாவட்ட நிர்வாகங்களுக்கு உத்தரவிட்டுள்ளார்.
அவர் அமைச்சர் பிமல் போராவை விரைவில் மஜூலிக்கு வந்து நிலைமையை ஆய்வு செய்யுமாறு கேட்டுக் கொண்டார். சர்மா தனது முதன்மைச் செயலர் சமீர் சின்ஹாவையும் முன்னேற்றங்கள் குறித்து தொடர்ந்து விழிப்புடன் இருக்குமாறு அறிவுறுத்தியுள்ளார்.
இதற்கிடையில், மத்திய உள்துறை அமைச்சர் அமித்ஷா, முதல்வர் சர்மாவிடம் பேசி, தேவையான நடவடிக்கைகளை எடுக்க அறிவுறுத்தியுள்ளார்.
***
